लासलगाव, ता. ६ (प्रतिनिधी ) : येथील नूतन विद्या प्रसारक मंडळ संचलित कला, वाणिज्य व विज्ञान महाविद्यालयात राष्ट्रीय सेवा योजना (+२ स्तर) विभागाच्या वतीने ६ डिसेंबर २०२५ रोजी भारतरत्न डॉ.बाबासाहेब आंबेडकर यांचा महापरीनिर्वाण दिन साजरा करण्यात आला. या प्रसंगी डॉ.बाबासाहेब आंबेकरांच्या प्रतिमेस उच्च माध्यमिक विभागाचे पर्यवेक्षक प्रा.उज्वल शेलार, प्रा.किशोर गोसावी, रा.से.यो. कार्यक्रमाधिकारी प्रा.सुनिल गायकर प्रा.देवेंद्र भांडे आणि उपस्थित सर्व शिक्षकांच्या हस्ते पुष्पहार अर्पण करून अभिवादन करण्यात आले. प्रा.मोहन बागल यांनी डॉ.बाबासाहेब आंबेडकरांच्या राजकीय, शैक्षणिक आणि सामाजिक कार्याचा सविस्तर आढावा घेतला. बाबासाहेबांचे विचार आणि त्यांचे कार्य विद्यार्थ्यांपर्यंत पोहोचले पाहिजे असे मत त्यांनी या प्रसंगी व्यक्त केले.
कार्यक्रमाच्या यशस्वीतेसाठी संस्थेचे जनरल सेक्रेटरी श्री.गोविंदराव होळकर, महाविद्यालयाचे प्राचार्य डॉ.आदिनाथ मोरे यांच्या मार्गदर्शनाखाली रासेयो कार्यक्रमाधिकारी प्रा.देवेंद्र भांडे, प्रा.सुनिल गायकर आणि रासेयो स्वयंसेवक यांनी परिश्रम घेतले. या कार्यक्रमाला शिक्षक, विद्यार्थी व विद्यार्थिनी मोठ्या संख्येने उपस्थित होते.
