नांदगाव (मुक्ताराम बागुल) – नाशिक जिल्ह्यातील नांदगाव तालुक्यात असलेल्या घाट माथ्यावरील पूर्व भागातील जातेगाव येथील शिवलिंग हे नाशिक जिल्ह्यातील दुसऱ्या क्रमांकाचे सर्वात मोठे शिवलिंग आणि नांदगाव तालुक्यातील जातेगाव पासून सात ते आठ किलोमीटर अंतरावर असलेल्या सह्याद्री पर्वत रांगेतील डोंगराच्या शिखरावर असलेले श्री क्षेत्र पिनाकेश्वर महाराज मंदिर येथे श्रावण महिन्यातील पवित्र तिसऱ्या सोमवारीच्या निमित्ताने रविवारी रात्री बारा वाजेपासून ते सोमवारी रात्री बारा वाजेपर्यंत सुमारे अडीच ते पावणेतीन लाख भाविकांनी दर्शन घेतले. दर्शणार्थी भाविकांची अलोट गर्दी झाल्याने प्रसाद मिठाई इमिटेशन ज्वेलरी, त्याचप्रमाणे इतर व्यावसायिकांची व्यवसाय चांगले झाल्यामुळे लाखो रुपयांची उलाढाल झाली. देवस्थान ट्रस्टच्या आणि संत जनार्दन स्वामी मौनगिरी जी महाराज उत्तराधिकारी जगद्गुरु शांतिगिरी जी महाराज यांनी देवास महाअधिषेक केला.
त्यानंतर बेल आणि भोपळ्याच्या फळांमध्ये अंदाजे 70 हजार पेक्षा अधिक पुरुष तसेच महिला भाविकांनी श्री गजानन महाराजांचे शेगाव येथून तसेच वैजापूर तालुक्यातील सरला बेट, श्री क्षेत्र वेरूळ, कोपरगाव येथून पवित्र नदी पात्रातील जल घेऊन सुमारे 60 ते 250 किलोमीटर अंतर पायी अनवाणी पाया आणि चालत येऊन रविवारी रात्री बारा वाजे नंतर हर हर महादेव, सद्गुरु जनार्दन स्वामी महाराज की जय, गंगा मैया की जय, गंगागिरीजी महाराज की जय, बम बम भोले जय गजराने मंदिर परिसर आणि संपूर्ण तीन किलोमीटर परिसर दुमदुमून गेला होता. पिनाकेश्वरास जलभिषेक करण्यास सुरुवात केली. यावर्षी महिलांची संख्या दोन हजार असल्याचे व्यवस्थापन समितीने सांगितले. यावर्षी पाऊस नसल्याने अनवाणी पवित्र जर आणणाऱ्या भाविकांच्या पायास मोठ्या प्रमाणात इजा झाल्या होत्या. त्यांच्यावर तालुका वैद्यकीय अधिकारी डॉक्टर संतोष जगताप यांच्या मार्गदर्शनाखाली बोलठाण प्राथमिक आरोग्य केंद्राची वैद्यकीय अधिकारी डॉक्टर दत्तात्रेय मोरे, डॉक्टर महेश देशमुख, डॉक्टर फिरोज मन्सुरी, प्रकाश चव्हाण, राम काळे, साहेबराव काटकर, शकील शेख आणि वैद्यकीय पथक तसेच खाजगी डॉक्टर डॉक्टर प्रदीप चौधरी, डॉक्टर अमोल उगले, डॉक्टर अलोक बिश्वास यांनी उपचार केले. रात्रभर सुरू असलेला जलभिषेक सोमवारी सायंकाळ पर्यंत सुरू होता. त्यासोबत दिवसभर अबाल वृद्धांसह महिला आणि भाविकांनी दर्शनासाठी गर्दी केली होती.
पालीला भाविकांनी वन पर्यटन आणि वनभोजन मनमुराद आनंद लुटला. मराठवाडा तसेच बाहेरगावच्या जलविषयक करण्यासाठी येणाऱ्या भाविकांनी आणि दर्शनार्थी भाविकांनी परतीच्या प्रवासासाठी स्वतःची वाहनांची व्यवस्था केलेली असल्याने डोंगराच्या पायथ्याशी मोठ्या प्रमाणावर मोटरसायकल, रिक्षा, कार, टेम्पो, पिकप, छोटा हत्ती इत्यादी वाहनांची रविवारी सकाळपासून सोमवारी सायंकाळी उशिरापर्यंत गर्दी झाली होती. देवस्थान ट्रस्टचे अध्यक्ष अर्जुन (बंडू) पाटील, उपाध्यक्ष ज्ञानेश्वर पवार, सचिव बाबासाहेब कोषाध्यक्ष रामदास चव्हाण, विश्वस्त शरद पवार, शिवाजी वरपे, ज्ञानदेव चव्हाण, शिवाजी गायकवाड, गणेश गवंडर, अनिल शिंदे, कैलास तुपे, श्री पिनाकेश्वर तरुण मित्र मंडळ आणि सामाजिक कार्यकर्ते परिस्थितीवर लक्ष ठेवून होते. रविवारी दिवस रात्र व सोमवारी सायंकाळपर्यंत स्वयंसेवकांनी येणाऱ्या भाविकांना योग्य मार्गदर्शन केले. यावर्षी देखील जातेगाव ग्रामस्थांच्या वतीने आणि नांदगाव चे माजी नगराध्यक्ष (बबी काका) पुणे यांच्या जनसेवा मित्र मंडळ, संजय नगर मित्र मंडळ छत्रपती संभाजीनगर यांच्या वतीने पाणी व्यक्तिगत मित्र मंडळांनी येथे येणाऱ्या भाविकांसाठी मोफत चहा पाणी आणि साबुदाणा खिचडीचे भंडाऱ्याचे आयोजन करण्यात आले होते. छत्रपती संभाजीनगर येथील सुरक्षा रक्षक आणि नांदगाव पोलीस स्टेशनचे पोलीस निरीक्षक दिगंबर भदाणे यांच्या मार्गदर्शनाखाली पोलीस उपनिरीक्षक सुनील बडे आणि गावित यांच्या मार्गदर्शनाखाली पोलिस हवालदार भास्कर बस्ते, भरत कांदळकर, पोलीस शिपाई परमेश्वर श्रीखंडे तसेच पुरुष व महिला पोलीस शिपाई, दंगा रोधक पथक आणि होमगार्ड यांनी चौक बंदोबस्त दजविल्याने कुठल्याही प्रकारचा अनुचित प्रकार घडला नाही.
