नाशिक (प्रतिनिधी ) प्रबोधीनीच्या पाच खेळाडूंची वरिष्ठ गट राष्ट्रीय खो खो स्पर्धेसाठी तीन संघात निवड.नाशिक जिल्हा खो खो असो. संचलित स्व. सौ सुरेखा ताई भोसले निवासी खो खो प्रबोधिनीच्या पाच खेळाडूंची पुरुष आणि महिला गटाच्या राष्ट्रीय स्पर्धेसाठी निवड झाली आहे .सदर स्पर्धा दिनांक ३१ मार्च ते ४ एप्रिल दरम्यान जगन्नाथ पुरी ओडिशा येथे आयोजित करण्यात आल्या आहेत. सदर स्पर्धेसाठी दिलिप खांडवी, मनिषा पडेर, वृषाली भोये, निशा वैजल, कौसल्या पवार या पाच खेळाडूंची वरिष्ठ गट राष्ट्रीय अजिंक्यपद खो खो स्पर्धेसाठी निवड झाली आहे. नाशिक जिल्हा खो खो असो. च्या ५० वर्षाच्या इतिहासात प्रथमच एकाच वेळी पाच खेळाडूंची निवड राष्ट्रीय अजिंक्यपद स्पर्धेसाठी झाली आहे. विशेष म्हणजे हे पाच खेळाडू या स्पर्धेत तीन वेगळ्या संघाचे प्रतिनिधित्व करणार आहेत.दिलिप खांडवी हा भारतीय रेल्वे संघाचे, मनिषा पडेर महाराष्ट्राचे तर वृषाली भोये, निशा वैजल, कौसल्या पवार भारतीय विमानतळ प्राधिकरण, स्पोर्ट्स कंट्रोल बोर्ड यांचे प्रतिनिधित्व करणार आहे. दिलिप खांडवी, वृषाली भोये, कौसल्या पवार यांची ही सलग तिसरी वरिष्ठ गट राष्ट्रीय स्पर्धा आहे.खेळाडूंना गितांजली सावळे व उमेश आटवणे यांचे मार्गदर्शन लाभले.
