मनमाड (प्रतिनिधी): २१ व्या शतकाच्या तंत्रज्ञानाच्या आणि विज्ञानाच्या प्रगतीमधूनही स्त्री भ्रूण हत्येची समस्या कायम राहणे, हे समाजातील मानसिकतेतील गडबड आणि बदलाच्या गरजेचे संकेत आहे. स्त्रियांनाही या समस्येच्या निराकरणासाठी आपला दृष्टिकोन बदलावा लागेल. यामध्ये स्त्रीला आपल्या अधिकारांची आणि जीवनाच्या मूलतत्त्वांची जाणीव असावी लागेल, तसेच या बाबतीत समाजातील सर्व स्तरावर जागरूकता निर्माण करणे आवश्यक असल्याचे परखड मत प्रसिद्ध स्त्रीरोग तज्ज्ञ डॉ. पूनम राजपूत यांनी केलें.जागतिक महिला दिनाच्या निमित्ताने सीतालक्ष्मी हॉलमध्ये नांदगाव मनमाड मराठी पत्रकार संघाच्या महिला पत्रकारांनी आयोजित “माता सन्मान” सोहळ्यात प्रमुख अतिथी म्हणून बोलताना डॉ. पूनम राजपूत यांनी मुलींच्या संगोपनावर महत्त्वपूर्ण विचार मांडले. त्यांनी मुलगी झाली तर खंत न बाळगता तिला चांगले संस्कार देऊन मोठे करण्याचे आवाहन केले. समाजातील मानसिकता बदलण्यासाठी आणि मुलींच्या योग्य संगोपनासाठी या प्रकारचे संदेश महत्त्वाचे ठरतात. ‘माता सन्मान’ सोहळ्यात येवला भूमी अभिलेख कार्यालयातील अधिकारी सौ. तिलोत्तमा जोशी यांची प्रमुख पाहुणे म्हणून उपस्थिती होते. त्यांनी महिलांच्या यशामध्ये पतीचा महत्त्वपूर्ण वाटा असल्याचे सांगितले.
तसेच, आपल्या घरातील मुलींना बळ देण्याचे आणि त्यांना सावित्रीच्या पावलावर पाऊल ठेवण्याचे आवाहन त्यांनी केले. हे विचार महिलांच्या सशक्तीकरणाची दिशा दाखवितात, आणि त्यातून समाजातील महिलांना अधिक सक्षम व आत्मविश्वासाने जगण्याचा प्रेरणा मिळते. महिलांनी महिलांचा सत्कार करणे ही एक अभिमानाची बाब आहे मुलगी झाली तर खंत न बाळगता तिला चांगले संस्कार देऊन मोठे करा असे आवाहन त्यांनी केले. महिलांना केवळ घरातील चूल आणि मूल या पलीकडे जाऊन अधिक कार्य करण्याची आवश्यकता आहे, हे स्पष्ट करत पत्रकार संघाने महिलांसाठी केलेले कार्य अत्यंत कौतुकास्पद असल्याचे ज्येष्ठ पत्रकार, उद्योजका सौ स्वाती गुजराथी यांनी अध्यक्षीय भाषणात सांगितले. या सोहळ्यात महिलांनी स्वतःच्या जीवनातील खडतर कहाण्या शेअर केल्या, ज्यातून त्यांच्यातील धैर्य, संघर्ष आणि यशाची प्रेरणा इतर महिलांना मिळाली. महिलांच्या संघर्षकथांनी कार्यक्रमात उपस्थितांना प्रेरित केले आणि समाजातील महिलांच्या सामर्थ्याचा आदर केला. जागतिक महिला दिनाच्या निमित्ताने महिलांनी सादर केलेल्या कवितांनी कार्यक्रमाची रंगत आणखी वाढवली. या कवितांमध्ये महिलांच्या संघर्ष, सामर्थ्य, आणि धैर्याची भावना व्यक्त केली गेली. प्रत्येक शब्दात महिलांच्या जिव्हाळ्याचे आणि त्यांच्या प्रेरणादायक कर्तृत्वाचे दर्शन घडले. कवितांनी उपस्थितांना उत्साही आणि प्रेरित केले. या कार्यक्रमात वेतलिफ्टिंग आणि क्रिकेट या खेळातील शहरातील गुणवंत खेळाडूंच्या मातांचा स्मृतिचिन्ह आणि झाडाचे रोप देऊन गौरव करण्यात आला. कार्यक्रमाचे प्रस्तावित सौ. रुपाली केदारे, पाहुण्यांचा परिचय सौ. आम्रपाली वाघ तर सूत्रसंचालन प्रिया निकुंभ-परदेशी तर सौ. नैवेद्या बिदरी यांनी आभार व्यक्त केले.
कार्यक्रम यशस्वीतेसाठी सौ. दीपाली खरे, सौ. प्रियांका बोथरा, सौ. अलका नारायने, सौ. वर्षा गोयल, सौ. माधुरी कदम, सौ. रागिणी बोरसे, सौ. मीनाक्षी पाटील, आणि सौ. अंजना मार्कंड, सौ. रेखा धिंगान यांनी परिश्रम घेतले. त्यांच्या मेहनतीमुळे हा कार्यक्रम अत्यंत यशस्वी झाला.
