जळगाव निंबायती (वार्ताहर) – येथील अहिल्यादेवी शिक्षण संस्थेच्या गो. य. पाटील माध्यमिक व उच्च माध्यमिक विद्यालय तसेच रोडूआण्णा गोविंदराव पाटील कला वाणिज्य व विज्ञान वरीष्ठ महाविद्यालयात डॉ. बाबासाहेब आंबेडकरांच्या ६९ व्या महापरिनिर्वाण दिनी महामानवाला अभिवादन करण्यात आले. अध्यक्षस्थानी प्राचार्य पी. एन. पवार होते. समवेत संस्थेचे सचिव महेंद्र पाटील, समन्वयक निंबाजी शिंदे, सर्व संचालक, विश्वस्त, पदाधिकारी, पर्यवेक्षक व्ही. डी. काळे, सर्व प्राध्यापक, शिक्षक, शिक्षिका, शिक्षकेतर कर्मचारींसह बहुसंख्येने विद्यार्थी उपस्थित होते. उपस्थितांनी डॉ. आंबेडकरांच्या प्रतिमेचे पूजन केले. प्रसंगी जेष्ठ शिक्षक डी. के. जगताप यांनी आपल्या मनोगतातून डॉ. आंबेडकरांच्या जीवन कार्यावर प्रकाशझोत टाकला. प्रास्ताविक डी. जे. देवरे यांनी केले, सूत्रसंचालन प्रा. अमोल अहिरे यांनी केले, तर आभार नरेंद्र अहिरे मानलेत.
