मौजे सुकेणे ता निफाड विद्यालयात शहिदांच्या प्रतिमेचे पूजन करताना शिक्षक वृंद
कसबे सुकेणे (प्रतिनिधी) ता 23- मौजे सुकेणे ता निफाड येथील कर्मवीर रावसाहेब थोरात माध्यमिक व उच्च माध्यमिक विद्यालयात शहीद भगतसिंग, राजगुरू व सुखदेव यांचा स्मृतिदिन शहीद दिन म्हणून प्राचार्य रायभान दवंगे यांच्या मार्गदर्शनाखाली साजरा करण्यात आला अध्यक्षस्थानी उपमुख्याध्यापक अनिल परदेशी होते सुरुवातीला शहीद भगतसिंग यांच्या प्रतिमेचे पूजन उपमुख्याध्यापक अनिल परदेशी यांच्या हस्ते, शहीद राजगुरू यांच्या प्रतिमेचे पूजन अभिनवचे मुख्याध्यापक राहुल मोगल यांच्या हस्ते व शहीद सुखदेव यांच्या प्रतिमेचे पूजन दत्तू पडोळ यांनी केले प्रास्ताविकातून भारत मोगल यांनी शहीद दिन साजरा करण्यामागचा हेतू विशद करत शहिदांना अभिवादन केले विद्यार्थिनी कु अदिती गायकवाड व शिक्षक रामेश्वर धोंगडे यांनी भगतसिंग राजगुरू व सुखदेव यांच्या कार्याविषयी उपस्थितांना माहिती करून दिली सूत्रसंचालन बाळासाहेब गडाख यांनी तर आभार दिलीप काळे यांनी मानले कार्यक्रमासाठी सर्व शिक्षक, शिक्षकेतर कर्मचारी व विद्यार्थी उपस्थित होते
