नाशिक:(प्रतिनिधी )जिल्हा मुख्याध्यापक संघाच्या (Nashik Jilha Mukhya-adhyapak Sangh) संयुक्त विद्यमाने आयोजित करण्यात आलेल्या एका महत्त्वपूर्ण ‘सहविचार सभे’मध्ये मुख्याध्यापकांच्या विविध प्रशासकीय, आर्थिक व प्रलंबित समस्यांवर सविस्तर चर्चा करण्यात आली. या सभेला माध्यमिक शिक्षणाधिकारी माननीय श्री. प्रशांत दिग्रसकर साहेब यांचे मोलाचे मार्गदर्शन लाभले.
मान्यवरांची उपस्थिती
या बैठकीच्या अध्यक्षस्थानी शिक्षणाधिकारी श्री. प्रशांत दिग्रसकर साहेब (माध्यमिक, जि. प. नाशिक) हे होते. तसेच, उपशिक्षणाधिकारी श्री. गणेश फुलसुंदर साहेब यांनीही मार्गदर्शन केले.
मुख्याध्यापक संघाचे महाराष्ट्र राज्य सचिव श्री. शांताराम देशमुख, नाशिक जिल्हा अध्यक्ष श्री. प्रदीप सांगळे, आणि सचिव श्री. दीपक गायकवाड हे प्रमुख पदाधिकाऱ्यांसह डॉ. अनिल माळी, श्री. एस. के. सावंत, योगेश पाटील, सजय वाघ, राजेंद्र देवरे, श्री अनिल खालकर, सौ. भारती सोनवणे, सौ. जयश्री पेंढारकर, आणि इतर अनेक पदाधिकारी व मुख्याध्यापक उपस्थित होते.
प्रमुख विषयांवर चर्चा
सभेमध्ये शिक्षण क्षेत्राशी संबंधित खालील कळीच्या मुद्द्यांवर सखोल चर्चा झाली:
प्रशासकीय प्रश्न: मुख्याध्यापक यांचे सह्यांचे अधिकार आणि मंडळ मान्यतेसंबंधीच्या अडचणींवर विचारविनिमय करण्यात आला.
मान्यता व दुरुस्ती: शालार्थ मान्यता आदेश, संच मान्यता दुरुस्ती, आणि रोस्टर दुरुस्ती यांसारख्या तातडीच्या विषयांवर तातडीने कार्यवाही करण्याची मागणी करण्यात आली.
आर्थिक व वेतन: वैद्यकीय बिले, प्रलंबित पुरवणी बिले, एक स्तर वेतन श्रेणी, आणि थकीत असलेल्या टप्पा अनुदानाचे प्रश्न त्वरित मार्गी लावण्यावर भर देण्यात आला.
पेन्शन व प्रशिक्षण: जुन्या पेन्शन योजनेच्या (OPS) निर्णयाबाबतची सद्यस्थिती जाणून घेण्यात आली, तसेच मुख्याध्यापकांसाठी कार्यशाळा आयोजित करण्यावरही सकारात्मक चर्चा झाली.
जिल्हा परिषदेचे शिक्षणाधिकारी श्री. दिग्रसकर साहेब यांनी उपस्थित मुख्याध्यापकांच्या समस्या गांभीर्याने ऐकून घेतल्या आणि नियमानुसार कार्यवाही करण्याचे आश्वासन दिले. ही सभा अत्यंत फलदायी ठरली असून, यामुळे अनेक प्रलंबित विषय लवकरच सुटण्याची आशा मुख्याध्यापक वर्गामध्ये निर्माण झाली आहे.
